Þú ert asni Davíð!

Þú ert asni Davíð..... búinn að hækka hér vexti endalaust, að vísu hafa nú virtustu hagfræðingar heimsins lagt blessun sína yfir þann verknað. Hagfræðingar sem allur heimurinn tekur mark á en hvað með það.

Þú ert asni Davíð...... af hverju sagðir þú okkur ekki að við ættum að passa peningana okkar betur svo við stæðum betur þegar kreppti að????..... Ég veit að þú sagðir okkur það reyndar en það bara hlýtur að vera þér að kenna að við hlustuðum ekki.

Þú ert asni Davíð...... sagðir það í Kastljósi við Bretana að við ætluðum ekki að borga allt það sem íslendingar hafa verið að spreða sem varð til þess að enginn gjaldeyrir fékkst til landsins. Að vísu er búið að sýna fram á að þú sagðir það ekki og Bretarnir segja að símtal við Árna fjármálaráðherra sé um að kenna... en það þýðir ekkert fyrir þig að koma þér undan því.

Þú ert asni Davíð...... af hverju segir þú ekki af þér í hvelli. Að vísu færi hellingur tími til einskis þegar nýr maður væri að koma sér inn í starfið og miklar líkur á að það eitt myndi gera aðstæður enn verri... en hvað með það.

JÁ! BURT MEÐ DAVÍÐ!!!!

Eða hvað????

Væri kannski nær að við létum rannsaka málin í rólegheitum en myndum eyða kröftum okkar núna til að berja kreppuna til baka?

Vaxtahækkun vegna IMF

Athugasemdir

[Kaleb Joshua, 28.10.2008 kl. 12:18]

Sammála, þurfum að henda þessari ríkisstjórn líka

[Herdís Sigurjónsdóttir, 28.10.2008 kl. 13:54]

Takk ágæt pæling og ágætis tilbreyting frá öllum galdrabrennunum .

Já það er svo ágætt að hengja einn mann upp á staur (hefur svo sem gerst fyrr í sögunni) og halda svo bara áfram að vera með lokuð augu og eyru, en galopinn munn...... það eru ekki ný vísindi að það er svo mikið betra, að kenna öðrum um en sjálfum sér.

[Aprílrós, 28.10.2008 kl. 15:41]

Sammála Davíð er asni

[Ágúst Dalkvist, 30.10.2008 kl. 12:32]

Takk fyrir öll þrjú

Æ! Já Herdís.... er ekki kominn tími til að við hættum að dæma fólk án þess að þekkja til?