og hvað?

15.10.2007 | 22:57

Af hverju virðist Vilhjálmur Þ. Vilhjálmsson halda að það sé eitthvað betra að hann hafi ekki þekkt neitt til samningsins. Hann er í stjórn Orkuveitunnar og kjósendur hljóta að gera þá kröfu til hans þegar þetta mikilvægur samningur er á borðinu að hann kynni sér efni hans ítarlega. Ef hann gerir það ekki er hann klárlega óhæfur til starfans.

Vilhjálmur er greinilega kominn í mjög slæm mál og ef honum er annt um liðið sitt þá á hann að segja af sér áður en skaðinn verður meiri, þetta er orðið of slæmt til að standa það af sér.

Svo vil ég skora á aðila í borgarstjórnarflokki sjálfstæðismanna að hætta þessum grátkór. Allir flokkar hafa gerst sekir um svipuð vinnubrögð og Björn Ingi hafði í frammi gegn sjálfstæðismönnum núna. Það kemur alltaf illa út þegar pólitíkusar taka ekki á málunum af gleði og áhuga . Þetta er bara staðan í dag og þá er bara að gera sem best úr því.

Er vonlaust að vera alveg heiðarlegur í pólitík og hafa gáfur og dugnað til að standa í henni með sóma?

Villi er annað hvort að ljúga eða hann hefur ekki staðið sig.
Björn sveik félaga sína í meirihluta í borgarstjórn og virðist reyna að græða sem mest á þessu öllu sjálfur.
Dagur gerir hvað sem er til að ná í borgarstjórastólinn.
Svandís virðist ætla éta ofan í sig allar fyrri yfirlýsingar
Margrét Sverris. er í einum stjórnmálaflokki en starfar fyrir annan í borgarstjórn.
og einhverjir í borgarstjórnarflokki sjálfstæðismanna virðast hafa verið að bjóða öðrum samstarf án Villa.

Ég auglýsi hér með eftir einhverjum sem telur sig geta verið í pólitík og staðið sig þó hann segi rétt og satt frá og vinni fyrir kjósendur sína en skari ekki bara eld að sinni eigin köku.