Fundur í Árhúsum

Bændasamtökinn boðuðu til fundar í Árhúsum á Hellu í gærkvöldi og voru búnir að smala þangað fulltrúum allra stjórnmálaflokkana, fyrir utan framboð aldraðra, og skyldi nú ræða landbúnaðarmál.

Kjartan Ólafsson var mættur fyrir D, Guðni Ágústsson fyrir B, Björgvin Sigruðsson fyrir S, Atli Gíslason fyrir V, Grétar Mar Jónsson fyrir F og þær Ásta Þorleifsdóttir og Ingileif (man því miður ekki hvers dóttir) voru mættar fyrir I.

Fyrst hélt Þorfinnur Þráinsson stjórnarformaður Búnaðarsambands Suðurlands tölu og fræddi verðandi þingmenn á Suðurlandi um landbúnaðinn í þeirra kjördæmi. Síðan hélt Haraldur Benediktsson formaður Bændasamtaka Íslands tölu um landbúnaðinn á landsvísu. Komust þeir báðir mjög vel frá því verki. Kom meðal annars fram í máli þeirra að 12,9% launa íslendingsins fer í matarinnkaup og helmingurinn af því fer í að kaupa íslenska matvöru. Það er töluvert minna heldur en margur evrópubúinn gerir.

Kjartan Ólafsson fær 8 í einkun fyrir gærkvöldið. Hann var mjög málefnalegur en eyddi óþarfa tíma í að skamma VG. Mér finnst vera kominn tími til að tilvonandi þingmenn tali um það sem þeir ætli að gera en ekki hvað hinir ætla að gera.

Guðni Ágústsson fær 9. Hann var alveg samur við sig, fólk hló allan tímann meðan hann var í pontu eins og þegar hann t.d. sagði að kratar hefðu riðlast á bændum forðum eins og hrútar á fengitíma

Björgvin verður nú bara að fá 10 held ég þó mér sé það ekki ljúft . Hann kom gríðarlega á óvart á þessum fundi. Samfylkingin er greinilega búin að taka U beyju í landbúnaðarstefnu sinni og er það gott. Batnandi fólki er best að lifa.

Atli Gíslason fær í mesta lagi 7. Hann bakkaði með flest þegar leið á fundinn af því sem hann hafði sagt fyrr. En ég leyfi honum að njóta vafans og gef honum 7 á þeim forsendum að ég hafi misskylið hann í fyrri ræðunum.

Grétar Mar fær 4. Hafði nákvæmlega enga þekkingu á landbúnaðinum og talaði að mestu um sjávarútvegsmál. Hann fær þó fjóra fyrir viðleitnina.

Þær stöllur í Íslandshreyfingunni fá nú bara 0, þá sér í lagi Ingileif. Það var eins hjá þeim og Grétari að þær virtust ekki hafa mikinn skilning á landbúnaði eða bændum eða nokkru því sem að þeim kemur. Við skulum samt gefa Ástu 1 fyrir að viðurkenna það

Blogga kannski frekar um þennan fund síðar þegar betri tími gefst til.

Er þetta frétt????

Hélt að þetta lægi alveg í augum uppi. Auðvitað ef eldriborgarar fara að vinna og borga skatt í ríkissjóð þá aukast tekjur sjóðsins. Ekki nóg með það, heldur má vænta þess að útgjöld vegna heilbrigðiskerfisins minnki og þennslan minnkar í þjóðfélaginu vegna aukins framboðs á starfsfólki.

Þegar næga atvinnu er að hafa og þennslan er eins mikil eins og raun ber vitni og flytja þarf inn erlent vinnuafl í stórum stíl er ekkert gáfulegra en að afnema tekjutengingu bóta og hvetja með því fólk út á vinnumarkaðinn og reyna að halda sem mestu af tekjunum inn í landinu. Hins vegar ef við kjósum yfir okkur þá sem vilja stoppa alla framþróun á vinnumarkaði, eins og vinstri menn, þá er engin forsenda fyrir því að afnema tekjutenginguna og ekki væri heldur til fjármagn til að gera betur við þessa þjóðfélagshópa með öðrum leiðum.

Kjósum því rétt 12. maí  XD

Ríkissjóður gæti hagnast á að afnema tekjutengingu bóta

Fundur í sjónvarpssal

Mikið er nú rosalega þreytandi að vera að reyna að hlusta og horfa á tilvonandi þingmenn okkar í sjónvarpi þegar hver gjammar ofan í annan þannig að ekkert er hægt að heyra hvað hver segir. Ótrúlegt að fólk sem býður sig fram til alþingis skuli ekki hafa meiri þroska en þetta.

Björgvin átti nú þann heiður í þessum þætti í dag þar sem að suðurkjördæmið var tekið fyrir að vera yfirgjammarinn. Gat ekki með nokkru móti haldið aftur af sér, græddi væntanlega ekki mörg atkvæði fyrir það. Grétar Mar var hins vegar bara mjög virðulegur í þessum þætti og kom mér það mjög á óvart, hann hefur greinilega tekið þann rétta pól í hæðina að það er ekki til þess fallið að afla fylgis að vera með þann dónaskap að gefa ekki öðrum kost á að tala, batnandi mönnum er best að lifa.

Annars kom voðalega lítið út úr þessum þætti sjónvarpsins í dag. Flestir frambjóðendur stóðu sig nokkuð vel (svona það sem maður fékk að heyra) en auðvitað fannst mér málstaður þeirra mis gáfulegur.

Fagna því að Sjálfsstæðisflokkurinn er enn að bæta við sig ef marka má skoðanakannanir.

Sjálfstæðisflokkur bætir við sig tveimur þingmönnum í Suðurkjördæmi

Gott mál?

Mikið rosalega er nú heimurinn betri og fallegri eftir að Saddam var komið frá

Tuttugu og þrír Kúrdar teknir af lífi í Írak

Risabú

Eitt af þeim fyrirtækjum sem hafa valdið bændum ugg í brjósti með uppkaupum jarða á háu verði er Lífsval. Nú hefur það fyrirtæki fjárfest í jörðinn Flatey á Mýrum í Austur-Skaftafellssýslu en þar var áður rekin graskögglaverksmiðja. Þar er áætlun Lífsvals að reisa gríðarlega stórt (á íslenskan mælikvarða) kúabú. Stefnan er að vera með um 5-600 kýr og framleiða á þriðju milljón lítra á ári en þess má geta að meðalbúið á Íslandi framleiðir tæp 200 þús. lítra á ári og það stærsta um milljón lítra.

Lífsval rekur nú tvö kúabú og framleiðslugeta þeirra er 6-700 þús. lítrar á ári samanlagt og er stefna Lífsvals að halda rekstri þeirra búa áfram. Framleiðslugeta fyrirtækisins verður þá, ef allt gengur eftir í Flatey, á fjórðu milljón lítra.

Lífsval hefur nýlega keypt jörðina Sumarliðabæ í Ásahreppi í Árnessýslu og mun væntanlega flytja framleiðsluna þaðan að Flatey.

Þessa frétt hefur Búnaðarsamband Suðurlands eftir ruv.

Það verður gríðarlega spennandi að sjá hvernig þetta á eftir að ganga hjá þeim, hvort svona stór bú ganga hér á landi. Væntanleg framleiðsla á Flatey er meiri heldur en í öllum Skaftárhreppi en þar eru tæplega 30 bú.

Einn aðili úr Lífsval keypti einnig kúabú hér í Skaftárhreppi nú í vetur og hefur það bú náð hvað hæstri meðalnyt eftir hverja kú hér í hrepp. Spennandi verður að vita hvort áætlun er um að flytja framleiðsluna frá því líka austur að Flatey.

Ég óska þeim Lífsvalsmönnum góðs gengis í þessu verkefni og vona að það eigi eftir að koma öllum til góða.

Langar þig í sveitina?

Þess má geta að það er verið að leita að skólastjóra við Kirkjubæjarskóla á Síðu á þeim frábæra stað Kirkjubæjarklaustri

Hér höfum við allt til alls, nýtt og flott íþróttahús, verið er að endurbæta sundlaugina og setja við hana heita potta, pizzustaður, golfvöllur þar sem mikið ódýrara er að spila heldur en á höfuðborgarsvæðinu, besta veðrið, frábæra náttúru og svo mætti lengi telja

Nú skuluð þið bara drífa ykkur að sækja um

Tólf umsækjendur um starf skólastjóra Stóru- Vogaskóla

Vel byrjar það!

Gleðilegt sumar öll sömul og takk æðislega fyrir veturinn

Vel byrjar sumarið. Sjálfsstæðisflokkur eykur verulega við sig fylgi, stjórnin heldur og frjálslyndir koma ekki manni að á þing ef niðurstaða kosninganna verður í takt við nýustu skoðanakönnun Gallups. Hvað getur maður beðið um það betra?

Samfylking er líka í stórsókn á kostnað VG en eins og ég hef sagt áður, þá væri nú óeðlilegt að Samfylking og Sjálfsstæðisflokkur myndu ekki auka fylgi sitt svona fyrst eftir þeirra frábæru landsþing. Nú er bara spurningin hvort þessir tveir flokkar haldi þessu fylgi fram til 12 maí.

Sjálfstæðisflokkur á uppleið

Samgöngu- og sjávarútvegsmál

Í Kastljósi gærkvöldsins var opinn stjórnmálafundur á Ísafirði og voru tekin fyrir samgöngu- og sjávarútvegsmál.

Ekki er hægt að gefa neinum sem þar komu fram háa einkun, nema jú Sigmari Guðmundssyni spyrli, hann fær 10 . Algjör snilld hvernig hann tók Ómar Ragnarsson og fulltrúa VG (sem ég man því miður ekki hvað heitir ) algjörlega í nefið.

En ef við tökum hvern flokk fyrir sig og byrjum á Íslandshreyfingunni. Þá eins og fyrr sagði fór Sigmar illa með Ómar þegar sá fyrr nefndi spurði þann síðar nefnda hvað loforð hans kostuðu og gat Ómar engu svarað. Ólafur gamli Hannibalsson virtist alveg vera út á þekju.

Fyrir frjálslynda töluðu Kristinn H. Gunnarsson um samgöngumál og Grétar Mar um sjávarútveginn. Kristinn fannst mér bara samur við sig og gerið ekkert mikið af sér en Grétar Mar var eins og lítill púki þarna í sætinu við hliðina á hinum. Sífellt gjammandi svo maður var löngu hættur að nenna að hlusta á hann, hvað þá að taka mark á honum.

Vinstri græn stóðu sig ekki mikið betur. Man nafnið á hvorugu þeirra og biðst ég afsökunnar á því. Konan sem talaði um samgöngumálin fyrir þeirra hönd talaði mikið um það að það væri ekki forgangsraðað rétt og spurði Sigmar hana hverju hún vildi breyta þar og gat hún engu svarað frekar en Ómar. Sjómaðurinn sem talaði um sjávarútvegsmálin fyrir VG var nokkuð samkvæmur sjálfum sér en ég var alfarið á móti stefnunni sem hann boðaði en það er annað mál.

Samfylkingin komst nokkuð klakklaus frá samgöngumálunum. Össur Skarphéðinsson hefði líka sloppið nokkuð vel frá sjávarútvegsmálunum ef hann hefði ekki alltaf verið að tönglast á því að samfylkingin væri ekki flokkur mikilla umbyltinga. Datt mér þá strax í hug stefna þeirra í landbúnaðarmálum þar sem að þau vilja fella niður helming allra tolla af landbúnaðarvörum og flokkast það nú í mínum huga sem mikil umbylting. Hann fær þá einkun hjá mér að vera sá eini sem gat gert sjálfan sig ótrúverðugan án nokkurar hjálpar frá einhverjum öðrum

Framsóknarmenn sluppu nú sennilega hvað best frá þessum þætti. Birkir viðurkenndi að ekki hefði náðst að koma á sáttum í kringum samgöngumálin og virði ég það alltaf þegar fólk þrætir ekki fyrir það augljósa. Magnús Stefánsson er sennilega sá sem komst best frá þessum þætti.

Sturla Böðvarsson var náttúrulega fulltrúi sjálfsstæðismanna í samgönguumræðunni og Einar K. í sjávarútvegsumræðunni enda eru þeir ráðherrar í þeim málaflokkum. Hvorugur þeirra eru nú þekktir fyrir það að koma vel út í þáttum sem þessum. Sturla var pirraður og mátti ekki anda á hann og Einar verður alltaf svo stressaður þegar skotið er á hann og lét hann Grétar Mar taka sig alveg á taugum. Einar var örugglega sá eini sem hlustaði á Grétar í gærkvöldi

Fór að spá í, eftir að hafa séð þennan þátt, hvað sjálfsstæðismenn eru fátækir af ráðherrum sem eiga gott með að svara fyrir sig. Það hefur aldrei verið sterka hlið Geirs formanns þó hann sé nú reyndar alltaf að verða sleipari og sleipari í þeirri list að svara fyrir sig. Björn Bjarna, Einar K., Sturla og Árni Matt, allt ráðherrar sem vinna vel (og Geir vinnu náttúrulega vel líka ) en eiga með eindæmum erfitt með að svara fyrir sig og líta þess vegna ekki alltaf vel út í viðtalsþáttum. Fylgi sjálfsstæðisflokksins, með þetta ráðherralið, segir manni bara að þjóðin er ekki að hlusta á ómerk kosningaloforð heldur metur fólk af störfum þeirra og er það vel.

Vilja lægra verð á mjólkurvörum.

Ekki voru einungis sjálfstæðis- og samfylkingarfólk með sína aðalfundi nú um helgina. Kúabændur héldu einnig sinn aðalfund.

Á honum kom m.a. fram að kúabændur vilja lægra verð á mjólkurvörum. Til að ná því markmiði vilja þeir m.a. fá stjórnvöld til samningaviðræðna til að ná niður framleiðslukostnaði.

Einnig var skoðað hvort hagræðing yrði í því að flytja inn annað kúakyn. Í því máli sýnist sitt hverjum eins og í flestum öðrum.

Ekki þarf að efast um það að það er hægt að flytja inn kúakyn sem skilar okkur mikilli hagræðingu heim á búunum. Kúakynin sem eru notuð við mjólkurframleiðslu í löndunum í kringum okkur eru mikið afurðarhærri en okkar gamla íslenska. Hins vegar hefur verið bent á að þó að íslenskir kúabændur fengju kýrnar sínar til að mjólka svipað mikið og nágrannar þeirra þá eru landfræðilegar aðstæður þannig að við yrðum seint samkeppnishæfir í verði þó við gætum mögulega fengið verðið töluvert niður.

Nú á síðustu misserum hefur verið flutt út til Bandaríkjanna töluvert magn af mjólkurafurðum á þokkalegu verði og telur Baldvin Jónsson (minnir mig að hann heiti), sem sér um kynningu á íslenskum vörum í USA, að það skipti miklu máli upp á markaðinn þar að mjólkin komi úr okkar gamla landnámskyni. Það er okkur mjög mikilvægt að horfa til þess líka þar sem að tollar munu lækka í framtíðinni á mjólkurvörum og mun því markaðshlutdeild íslenskra kúabænda minnka hér á landi og munum við þurfa aðra markaði.

Nú standa kúabændur s.s. fyrir þessu erfiða vali. Eiga þeir að flytja inn nýtt kúakyn sem myndi mjólka meira og skapa þannig mikla hagræðingu í framleiðslunni en gæti orðið til þess að minnka sölu, fækka bændum, sem gæti aftur orðið til þess að öll aðföng hækkuðu í verði og myndi þá éta upp hagræðinguna af nýju kúakyni. Eða eiga þeir að halda í sína íslensku kú og treysta á það að það veiti þeim aðgang að fleirum og betri mörkuðum sem gæti orðið til þess að við gætum framleitt miklu meiri mjólk, stækkað búin sem gæti orðið til þess að aðföng myndu lækka í verði og mjólkin þar af leiðandi líka.

Sjálfur hef ég alltaf veðjað á seinni kostinn og geri það enn. Vona bara að kúabændum beri gæfa til að velja rétta kostinn hvor sem hann er

Eitt er það þó sem hefur komið fram í máli Þórólfs Sveinssonar formanns Landssambands kúabænda sem er ekki rétt og það er að ef flutt verði inn nýtt kúakyn að þá verði tvö kúakyn sem verða í framleiðslu. Það mun ekki verða nema að mjög takmörkuðu leiti. Það sem helst hefur valdið því að við höfum ekki haft við nágrönnum okkar við að rækta kýrnar okkar til hárra nyta er að stofninn okkar er of lítill. Ef flutt verður inn annað kyn mun íslensku kúnni fækka mjög og vonlaust verður að framrækta hana. Hún yrði einungis safngripur sem stjórnvöld myndu kosta (eru skyldug til þess vegna alþjóðlegra samninga) til að halda við.

Á aðalfundi L.K. var kynnt könnun sem gerð var á meðal almennings og kom fram í henni að íslendingar vilja ekki annað kúakyn í landið og vilja bara íslenskar mjólkurvörur. Set inn skoðanakönnun hér á síðuna líka til að þið getið komið ykkar atkvæði á framfæri

Flokkur kvenna?

Í dag var kosið í miðstjórn sjálfstæðisflokksins. 8 konur og 3 karlar. Fattaði þetta ekki fyrr en ég sá það við annað blogg við þessa frétt. Enda spáir maður bara í hvaða einstaklingar eru kosnir en ekki af hvaða kyni þeir eru.

En svona fyrst það er búið að benda á þetta. Geta fleiri flokkar státað af eins stóru hlutfalli kvenna í framvarðasveit sinni?

 

Kjartan fékk flest atkvæði í miðstjórnarkjöri