Ný skoðanakönnun. Taktu þátt.

Það skyldi þó aldrei vera að framsókn ætlaði að bjarga sér enn og einu sinni frá falli í síðustu umferðinni. Hún er að verða eins og fótboltaliðið frá Grindavík hér um árið

En svona ef Gallup hefur ekki hringt í ykkur til að leyfa ykkur að gefa upp ykkar skoðun, þá setti ég nýja könnun hér á bloggsíðuna. Takið endilega þátt.

Kíkið á http://xhvad.bifrost.is/ ef þið eruð enn óákveðin hvað á að kjósa

Fylgi Framsóknarflokksins tekur stökk

Nokkur atriði sem vert er að skoða fyrir kosningar.

Það eru nokkur atriði sem vert er að skoða fyrir kosningar.

1. Ég veit að það er mjög margt fólk sem er að fara að kjósa núna á laugardaginn sem man ekki hvernig ástandið var í landinu þegar þessi ríkisstjórn tók við. Ég skora á fólk að kynna sér þá tíma því þá mun það sjá hvað þessi ríkisstjórn hefur bætt þjóðfélagið gríðarlega á þeim tíma sem hún hefur verið við völd. Þið sem kynnið ykkur þessi mál munuð greiða þessari ríkisstjórn ykkar atkvæði.

2. Kosningaloforð Samfylkingarinnar eru ekki í neinum tengslum við raunveruleikann. Það verður hægt að uppfylla megnið af þeim ef allt fer á besta veg en það má ekkert bregða út af til þess að þau verði að svíkja stærstan hluta af þeim. Til hvers að kjósa flokk sem sýnir með sínum loforðalista að honum er ekki treystandi?

3. Fyrir ykkur sem viljið ekki kynna ykkur hvernig þjóðfélagið var áður en þessi stjórn komst til valda og viljið ekki styðja hana til áframhaldandi góðra verka. Passið ykkur á því að dreyfa ekki kröftum ykkar of víða. Miðað við kannanir í dag eru gríðarlega mörg atkvæði að falla dauð. Ljóst er að Íslandshreyfingin og Frjálslyndir verða aldrei með það mikið fylgi sem þarf til til að geta látið eitthvað að sér kveða. Væri ekki álytlegra að sameinast um einn eða tvo stjórnarandstöðuflokka sem hefðu þá meira vald, ættu þá meiri möguleika á að fá sæti í næstu ríkisstjórn eða vera þá öflugri stjórnarandstöðuflokkur en annars yrði.

4. Eðlilegt er þegar margt fólk sameinast í stórum flokki að öllum líki ekki við alla frambjóðendur flokkana. Ekki hika við að strika út þau nöfn sem þið viljið ekki á þing. Með því gefið þið skýr skilaboð um hvað þið viljið og verður það leiðbeinandi fyrir verk þingmannana á næsta kjörtímabili.

Mikill árangur hefur náðst í þjóðfélaginu síðustu kjörtímabil. Greiðum atkvæði okkar af ábyrgð, stjórn landsins er ekki leikur og skiptir okkur öll miklu máli að vel takist til áfram.

Fyrir ykkur sem eruð svo óákveðin má svo benda á síðuna http://xhvad.bifrost.is/ . Þar getið þið fengið hjálp við að finna út hvað þið eigið að kjósa . Það vill svo ótrúlega til að útreikningur þessarar síðu segir að, miðað við mínar skoðanir, þá eigi ég að krossa við D

Fylgi Samfylkingar og Framsóknarflokks eykst

Sérkennilegur greinarmunur!!!!!?????

Valgerður Sverrisdóttir greinir vanda framsóknarflokksins alveg með ólíkindum vitlaust.

Henni finnst vera sérkennilegt hvað er gerður mikill greinarmunur á stjórnarflokkunum. Stærsti vandi framsóknar er sá að það er ekki gerður greinarmunur á stjórnarflokkunum og fer því fylgi hans yfir til sjálfsstæðisflokksins (þeir sem sáttir eru með stjórnina) eða yfir í samfylkinguna (þeir sem eru ósáttir við stjórnina).

Fleira er þó að hrjá þann ágæta flokk. Ljóst er að ef fer fram sem horfir þá mun Jón Sigurðsson segja af sér sem formaður flokksins eftir kosningar og ekki er sjáanlegur nokkur innan raða framsóknar sem væri líklegur til að standa sig betur í þeim stól.

Einnig hefur framsóknarflokkurinn unnið að því að breyta ímynd sinni síðustu ár. Honum hefur ekki líkað það litla fylgi sem hann hefur haft á höfuðborgarsvæðinu og þess vegna reynt að hrista af sér þá ímynd að hann sé landsbyggðarflokkur. Það hefur hins vegar orðið til þess að hann hefur misst sérstöðu sína og fylgjendum flokksins hefur fundist þeir eiga alveg eins heima í sjálfsstæðisflokknum eða samfylkingunni.

Ljóst er að vandi framsóknar er mikill og spurning hvort þetta séu síðustu kosningar sem sá flokkur gengur í gegn um.

Valgerður: Framsóknarflokkur ekki í ríkisstjórn með svona lítið fylgi

Bull könnun

Tek nú ekkert mark á þessar könnun hjá Fréttablaðinu, er alveg þvert á það sem ég var búinn að spá

Kannski þetta verði þá spennandi kosningar eftir allt saman

Fylgi Sjálfstæðisflokks og Samfylkingar eykst samkvæmt könnun

Í dagsins önn

Ég var vakinn klukkan sex í morgun til að hjálpa kind sem átti í burðarerfiðleikum. Ekki var ég hissa á þeim erfiðleikum þegar ég fór að skoða kindina. Það fyrsta sem ég fann var dindill en engar voru lappirnar. Eftir ýtarlega leit þá fann ég helminginn af þeim inn í kviðarholi lambsins, þ.e.a.s. að það var ekkert fyrir neðan hækil á afturlöppunum og þær höfðu ekki vaxið út úr lambinu heldur voru bara saman lagðar inn í kviðarholinu. Þegar ég náði svo lambinu þá sá ég að það vantaði báðar klaufir á framlappirnar líka. Sem betur fer var það ekki lifandi en móðurinni og bróður heilsast vel.

Fór í fyrsta prófið í dag. Vænti þess að þetta hafi verið í fyrsta skiptið sem ég hef fallið á prófi. Svolítið fáránlegt að það skuli vera í stærðfræði, þar sem það hefur verið mín grein hingað til, fékk t.d. 10 í henni fyrir áramót. En svona getur þetta farið þegar maður hefur ekki tíma til að stunda námið eins og maður ætti að gera. Vona þó að ég hafi náð að skríða yfir 5 en nú er bara að bíða og sjá.

Fer svo í tvö próf á morgun, í ensku og bókfærslu. Vona að þau eigi eftir að ganga betur.

Já, svona leið nú dagurinn hjá bóndanum og saklausa skóladrengnum fyrir utan fundi, skítkeyrslu, mjaltir, nám og sitt hvað fleira

Allt í góðu lagi?

Ekki getur verið mikið að í þjóðfélaginu okkar þegar mest er rætt um skoðanakannanir fyrir kosningar og hvort ung stúlka hafi átt að fá ríkisborgararétt eða ekki.

Ekki er þetta í fyrsta skiptið sem frjálslyndir skjóta sig í fótinn með vitlausu málefni. Auðvitað þarf að endurskoða þær reglur sem notaðar eru til að veita undanþágu til ríkisborgararéttar hér á landi. Maður ætti kannski að segja að það ætti að BÚA til einhverjar reglur og af því leitinu er þessi umræða góð og gild, en þegar Sigurjón Þórðarson kemur fram á ritvöllinn með slíkum ofsafengnum hætti sem raun ber vitni í þessu máli gerir það ekkert annað en að skemma fyrir honum sjálfum og minnka enn frekar möguleika hans að komast á þing.

Bjarni segist ekki hafa neitað Sigurjóni um gögn

Ástæða og/eða afsökun

Ótrúlega oft gerist það, bæði hér á moggabloggi sem og annars staðar, að þegar er verið að leita að ástæðum fyrir einhverjum hlutum að fólk heldur að maður sé að leita að afsökun.

Ástæða og afsökun eru bara tveir óskyldir hlutir.

T.d. var bloggað mikið við fréttir af stráknum frá Kóreu sem myrti 32 í skóla í Bandaríkjunum. Í fréttum var iðulega sagt frá hverjar ástæðurnar gætu verið fyrir því að drengurinn framdi þennan verknað og þótti mörgum bloggaranum að það væri verið að afsaka Kóreubúann.

Það er deginum ljósara að ekkert afsakar svona verknað en það er ástæða fyrir öllum hlutum og ef við eigum að eiga einhvern möguleika á að koma í veg fyrir að svona lagað gerist aftur þá þurfum við að komast að ástæðunni.

Eins má nefna barnaníðinga. Það hefur oft verið fullyrt að þeir hafi flestir sjálfir orðið fyrir barðinu á barnaníðingum í æsku. Það er heldur ekki afsökun fyrir þeirra verkum en gæti þó verið ástæða.

Ef einhver keyrir fullur og keyrir á barn og stór slasar það, þá er ekki hægt að afsaka slysið með áfenginu en það er þó ástæða. Þá höfum við eitthvað til að vinna með og eigum meiri möguleika á að koma í veg fyrir svipuð slys.

Svo er bara spurning hvort þessi blogg, sem rugla saman ástæðu og afsökun, sé ástæðan fyrir þessu bloggi eða afsökun mín fyrir því að blogga eitthvað

Spennandi eða ekki?

Þessi kosningabarátta er búin að vera mjög spennandi að mér finnst en nú er heldur farið að draga úr. Fylgi flokkana er alltof fyrirsjáanlegt, eða það hlýtur að vera þegar maður eins og ég get séð fyrir.

Þessi könnun er allavega alveg í stíl við það sem ég hélt að myndi verða og ef ég get spáð fyrir um breytingar sem verða við næstu könnun þá er ég hættur þessu.

En prófum einu sinni enn .

Ég gæti haldið að D og S muni tapa örlítið meira fylgi fram að kosningum og B og V muni halda áfram að bæta örlitlu við sig. Sem sagt sama þróun og nú á milli kannana. Hef ekki trú á þó Helgi Seljan hafi lagt Jónínu Bjarmarz í einelti að það hafi verulega áhrif á B. Þótti hann gera sig endanlega að fífli þegar hann fór að finna að því í Kastljósþætti kvöldsins að Jónína hefði leiðbent stelpunni hvar og hvernig ætti sækja um ríkisborgararéttinn. Það væri nú ljóta ef það væri bannað

En aftur að kosningunum. Þegar kemur svo að kosningunum sjálfum mun S ná einhverju fylgi aftur af V og enda upp undir 25 % meðan að V fer aðeins niður fyrir 20%. Framsókn mun ná örlitlu í viðbót frá D. B=12% D= 38%. Því miður mun F sennilega ná inn einhverjum mönnum en það verður minna en síðast.

En ég ætti kannski ekkert að vera kjafta þessu og eyðileggja spennuna fyrir ykkur

Fylgi Samfylkingar og VG jafnmikið

Velferðar- og menntamál

Á stjórnmálafundi Kastljóss í gærkvöldi voru tekin fyrir velferðar- og menntamál.

Ljóst er að stjórnarflokkarnir ríða ekki feitum hesti frá velferðarmálunum síðustu ár og áttu eðlilega Magnús og Guðlaugur erfitt með að svara fyrir það. Hins vegar þykir mér ljóst að hver sem verður við völd eftir kosningarnar í vor þá munu þessi mál verða í forgangi, einungis er spurning um aðferðarfræði en ekki hvort eitthvað verði gert.

Fagna því gríðarlega að það sé stefna allra flokka að fara að meta iðnnám meira en gert hefur verið.

Hef oft sagt sögu af dreng sem ég þekki og ætla að gera það einu sinni enn hér.

Hann er fæddur nánast með bílvél í stað heila. Hann hefur allatíð haft gríðarlegan áhuga á öllu því sem viðkemur bílum og vélum almennt. Þegar hann hins vegar byrjaði í skóla kom fljótt í ljós að hann átti erfitt með að læra á bókina. Þessi drengur hefur nú verið að reyna að verða vélvirki en gengið illa þar sem hann á í basli með bóklegu fögin.

Ég hins vegar hef alltaf átt gott með að læra og er ég næsta viss um það að ég gæti farið og lært vélvirkjun og útskrifast með þokkalega einkun. Fengið flott réttindi og alles en það væri sama hversu mikinn áhuga ég hefði og hvað ég reyndi, ég yrði aldrei eins góður vélvirki eins og þessi drengur er "ólærður" og réttindalaus. Það er eitthvað að skólakerfi sem býður upp á svona mismunun. En það ætla greinilega allir flokkar að taka á þessu eftir kosningar og er það gott.

Annars er fátt um þennan Kastljós þátt að segja nema það að alltaf þegar ég sé Þorgerði Katrínu í rökræðum og tala um það sem hún hefur gert vel þá hlakkar mig meir og meir til þess er hún tekur við formennsku í Sjálfsstæðisflokknum, vona ég að þess verði ekki lengi að bíða.

Framhald

Verð að byrja á því að biðjast afskökunnar á að hafa farið með vitlaust mál í síðustu bloggfærslu.

Þar held ég því fram að íslendingar eyði 12,9% af launum sínum í matarinnkaup en það rétta er að 12,9% af útgjöldum íslenskra heimila fer í matarinnkaup. Rétt skal vera rétt .

Ekki eru allir sem hafa efni á því að eyða svo litlum hluta af útgjöldunum í matvæli. Frakkar, belgar, ítalir, portúgalir, spánverjar og margir fleiri þurfa að eyða stærri hluta í að fæða sig en íslendingar. Svo illa erum við nú haldin .

En aðeins aftur að frammistöðu frambjóðenda á fundinum í gærkvöli á Hellu.

Kjartan Ólafsson tók þá áhættu, sem pólitíkusar gera of sjaldan, að taka afstöðu og segja sannleikan. Hann sagðist vilja flytja inn nýtt kúakyn, þó hann viti sjálfur að meiri hluti íslendinga er á móti því. Hann skammaði Atla Gíslason, oddvita VG hér í suðurkjördæmi, fyrir að reyna að telja okkur trú um að hægt væri að þjóna landsbyggðinni eins vel og höfuðborgarsvæðinu. Kjartan vildi meina að það yrði seint sem við á landsbyggðinni fengjum háhraða nettengingu, sömu samgöngur og fleira sem fólk hefur á suðvestur horni landsins en þó yrði að gera eins vel og hægt væri. Kjartan tilkynnti líka á fundinum að gróðurhúsabændur fengju rafmagnið á sama grunnverði og álverin. Hins vegar væri flutningurinn síðan dýrari til gróðurhúsabændanna og þess vegna væri verðið hærra til þeirra. Kom þó líka fram í máli hans að álverin væru ekki endilega öll að fá orkuna á sama verði svo ég veit ekki hvaða álver það eru sem þurfa borga sama grunngjald og garðyrkjubændur.

Ingileif var líka nokkuð óhrædd við að taka afstöðu, allavega hvað varðar innflutning á erlendu kúakyni og var hún alfarið á móti því. Hældi mikið íslensku kúnni og mjólkinni sem úr henni kemur.

Það er kannski eigingirni í mér, en mér finnst þetta vera að stærstum hluta mál okkar bænda. Auðvitað gerum við þó ekkert það sem fellur neytendum illa. Kúabændur á Íslandi eru ekki margir og búa með lítinn kúastofn. Ef einhver hópur bænda fer í það að flytja inn erlent erfðaefni þá um leið gera þeir út um ræktun íslensku kýrinnar þar sem að henni má ekki fækka meir til að hægt sé að framrækta hana. Þess vegna er ég á móti því að leift verði að flytja inn erfðaefni nema meirihluti kúabænda sé samþykkur því og er því ekki viðeigandi þessi yfirlýsing Kjartans í málinu. Hins vegar er ég heldur ekki sáttur við það að ef íslenskir bændur sjá ekki fram á að geta búið með íslensku kúna að pólitíkusar setji þeim stólinn fyrir dyrnar hvað varðar innflutning og er því líka yfirlýsing Ingileifar ekki viðeigandi heldur.

Björgvin Sigurðsson stóð sig ótrúlega vel á þessum fundi eins og ég benti á í fyrra bloggi um þennan fund. Nú upplýsti hann sunnlenska bændur um það að samfylkingin vildi ekki, frekar en aðrir flokkar sem þarna voru á fundinum, ganga lengra í tollalækkunum á erlendum landbúnaðarvörum en alþjóðlegir samningar skykkuðu okkur til að gera. Enginn af fulltrúum flokkana gaf þó nokkuð upp um það hvort þeir myndu verja landbúnaðinn í alþjóðlegum samningum. Björgvin tekur greinilega Guðna sér til fyrirmyndar þegar kemur að því að tala um landbúnaðarmál, og er það í flestum tilfellum gott. Hef trú á að Björgvin sé einn af framtíðar leiðtogum Samfylkingarinnar og eigi eftir að standa sig til muna betur sem slíkur en núverandi leiðtogar þess flokks.

Atli Gíslason og Ingileif töluðu mikið um hvað allt væri slæmt á landsbyggðinni. Manni fannst, við að sitja undir ræðum þeirra (þó sérstaklega Ingileifar) að allt væri beinlínis að fara til fjandans. Sem betur fer er það ekki svo. Það er gott að búa út á landi og sennilega betra nú en oftast áður en auðvitað er margt eftir sem þarf að bæta og verður sennilega alltaf svo. Landsbyggðin þarf ekki á því að halda að um hana sé talað eins og þau tvö gerðu, þó ég viti að hjá þeim báðum var það vel meint. Fólk verður þó að gæta þess hvernig það setur málin upp.

Þarf ekki að segja meira held ég um Grétar Mar heldur en ég gerði í síðasta bloggi. Hann á greinilega mikla vinnu eftir við að kynna sér landbúnaðarmál og treysti ég því að hann, sem frambjóðandi stærsta landbúnaðarhéraðs landsins, muni sökkva sér í þá vinnu strax eftir þennan fund.

Gleðilegt er að heyra að öll framboðin eru bændum hliðholl þó þau hafi, að manni finnist, mis gáfulegar stefnur í landbúnaðarmálum. Greinilegt var þó á þessum fundi að öll vildu þau bændum vel og kann ég þeim þakkir fyrir það.