Heyskapur og sumarfrí

Fyrirgefið hvað ég hef verið latur að blogg upp á síðkastið.

Hefði átt að blogga síðasta sunnudag og segja ykkur frá því að ég væri byrjaður að heyja þar sem að það fyrsta var slegið þá eftir hádegið. Það síðasta af fyrri slætti var komið í plast á fimmtudagskvöldi og allt komið heim fyrir hádegi í dag. Semsagt heyskapnum lokið á viku, um 340 rúllur.

En svona til að forða ykkur frá því að vera alltaf að kíkja hér við til einskis þá ætla ég að taka mér sumarfrí frá bloggi allavega í þrjár vikur. Er að fara í göngutúr á morgun. Ætla að ganga inn að Morsárjökli að skoða skriðuna stóru sem féll þar í vor eða vetur. Ætla síðan að klára þau verk, bæði í vinnu og skóla, áður en ég fer norður í gönguna þar 7. júlí svo það verður lítið um tíma til að blogga fyrr en ég kem heim aftur.

Megi þetta vera besta sumar sem þið hafið lifað hingað til

Athugasemdir

[Guðmundur H. Bragason, 25.6.2007 kl. 00:01]

Hafðu það gott í fríinu félagi Morsárjökull og dalurinn er fallegur

[Laufey Ólafsdóttir, 25.6.2007 kl. 23:28]

Sömuleiðis kæri bóndi!

[Herdís Sigurjónsdóttir, 25.6.2007 kl. 23:54]

Duglegur strákur .

Njóttu þess að vera í fríi. Ég ætla einmitt í frí eftir þessa viku en mun njóta þess að vinna í meistaraverkefninu í fríinu.