Lausn við fólksfækkun á landsbyggðinni?

Á vef Landssambands kúabænda er að finna grein eftir Sæmund Jón Jónsson frá Árbæ á Mýrum, A-Skaftafellssýslu.

Þar segir hann frá því að danskir landbúnaðarháskólar hafi tekið upp á því að kenna ungum sveitapiltum hvernig bera sig eigi að því að ná sér í konu.

"Á námskeiðinu "Scor med hygge" sem varir einn dag er þeim kennt að leggja á borð, binda blómvendi og spyrja réttu spurninganna (það er t.d. bannað að tala um landbúnað á fyrsta stefnumóti)." Segir í greininni. 

Spurning samt hvort það sé ekki móðgun við kvenþjóðina að það dugi einn dagur til að kenna karlmönnum að draga þær á tálar .

Kannski þyrfti að taka þessa kennslu upp hér á Íslandi (þó ég viti að það tæki lengri tíma og meira fjármagn að kenna á íslensku konuna ) til að efla landsbyggðina. Yrði kannski til þess að fleira kvenfólk flyttist út á land og meira yrði um barneignir.

Annars gæti þetta snúist í andhverfu sína þar sem karlmenn eru þekktari fyrir að elta vissan líkamspart á sér en að konur vilji elta þann part á þeim  (þó þær virðist nú ekkert vera fráhverfar því heldur ) og gæti því valdið frekari flótta af landsbyggðinni þar sem karlmennirnir gætu flutt suður til kvennana.

Athugasemdir

[Herdís Reynisd. (IP-tala skráð) 30.3.2007 kl. 12:31]

já það er spurning hvort er betra , að hafa sveitir landsins fullar af hamingjusömum piparsveinum eða að hafa þá fjötraða í eigin lim-girðingu í þétt býlinu ;-D

[Gunnar Th. Gunnarsson, 30.3.2007 kl. 13:44]

Ok, en hvað með að kenna þeim á konurnar sjálfar? Þegar ég var í meiraprófinu forðum daga þá þurftum við að opna húddið og læra ýmislegt þar... einnig að kíkja á undirvagninn. Sem sagt að kunna skil á ýmsum hlutum og virkni þeirra

[Guðmundur Ragnar Björnsson, 30.3.2007 kl. 16:19]

Þetta fer að verða svolítið krydduð umræða hérna. Annars eiga piparsveinar í sveitinni kvenmannslausir í kulda og trekki mína fyllstu samúð. Námskeið í því hvernig umgangast eigi kvenþjóðina er trúlega ekki svo galin hugmynd.

[Hermann Aðalsteinsson (IP-tala skráð) 9.4.2007 kl. 09:56]

Það þarf bara að byggja fleiri  moll  úti á landi.  Konur þurfa bara að komast í búðir að lágmarki 1x í viku.  Þetta er bara svona.