Þetta verður helst í fréttum eftir tvær aldir!

Umhverfisráðherra lagði fram frumvarp á þingi í morgun, þess efnis að rífa Kárahnjúkastíflu og hleypa vatni úr Hálslóni. Þar sem að ekki er lengur þörf á vatnsaflsorku vegna þeirrar tækni sem komið hefur fram á síðustu árum vill umhverfisráðherra færa Kárahnjúka í fyrra horf.

Að það sé mögulegt er tveggja alda gömlum myndum Ómars nokkurs Ragnarssonar, þá fréttamanns, að þakka. En hann myndaði landið í bak og fyrir á sínum tíma.

Með nútíma tækni ætti þetta verk ekki að taka nema tvö til þrjú ár.

Þingmenn stærsta stjórnarandstöðu flokksins, Íslenska umhverfisverndarflokksins, hafa líst andstöðu sinni við málið. Hafa þeir bent á að í lóninu sé mikið dýralíf sem ekki megi fórna vegna einhverra fortíðar drauma.

"Stjórnin verður að gera sér grein fyrir því að við eigum ekki landið, heldur höfum það í láni hjá afkomendum okkar og ber okkur því skilda að skila landinu af okkur í sem bestu ásigkomulagi." Segir í fréttatilkynningu flokksins. Enn fremur segir í tilkynningunni að það beri að vernda sögu landsins fyrir komandi kynslóðir.

Forsætisráðherrann gefur ekki mikið fyrir þennan málatilbúnað stjórnarandstöðunnar og bendir fólki á að kynna sér hvernig umræðan var þegar Kárahnjúkastífla var reist og einnig ætti fólk að kynna sér hvernig umræðan var þegar fyrirhugað var að byggja fyrsta álverið á Íslandi en það má sjá hér. 

Athugasemdir

[Níels A. Ársælsson., 22.3.2007 kl. 12:59]

Góður.

[Glanni (IP-tala skráð) 22.3.2007 kl. 16:26]

Flott hjá þér Ágúst  ég hef reyndar alltaf haldið því fram að allar framkvæmdir eru afturkræfar,Það liggur í hlutarins eðli að ef þú mokar og býrð til hól,þá ætti alveg eins að vera hægt að moka honum til baka en sandkornin lenda náttúrulega ekkert öll á sama stað. En hverjum er ekki sama um það ef heildar myndir er sú sama

[Jóhanna Fríða Dalkvist, 22.3.2007 kl. 16:41]

Nákvæmlega rétt, nokkuð ljóst að þetta verður svona.

Allar íslenskar virkjanir ERU afturkræfar samkvæmt alþjóðlegum viðmiðunum, það hefur verið rannsakað af sérfræðingum. 

[Guðmundur H. Bragason, 22.3.2007 kl. 17:13]

hehehe  hrikalega vel að orði komist

[Herdís Sigurjónsdóttir, 22.3.2007 kl. 18:44]

já hjartanlega sammála og ég skrifaði um svipað efni í þessari grein minni þar sem ég fjalla um lífið fyrir 25 árum og að ekki er allt sem sýnist í nútímanum..

[Gunnar Th. Gunnarsson, 29.3.2007 kl. 16:19]

Flottur Dúddi