Óhamingja leið að hamingju?

Ég er orðinn 36 ára og það eru komin rúm 10 ár síðan að síðasti æskudraumur minn rættist. Ég hef verið alveg ótrúlega heppinn í gegnum tíðina.

Mig langaði að verða bóndi

það er ég

mig langaði að skrifa bók

það hef ég gert

mig langaði að eignast góða fjölskyldu

hana á ég.

Hins vegar hafa komið tímabil þar sem að mér hefur fundist ég vera allt annað en heppinn. Vorkenndi mér rosalega og fannst allt vera að fara til fjandans.

Þegar ég neyddist til að flytja af æskuheimilinu þar sem ég ætlaði mér alltaf að vera bóndi og svo þegar fyrri konan fór frá mér (ekki stór vandamál, ég veit, svona miðað við marga aðra)

En þegar ég lít til baka þá sé ég að ef þessi tímabil hefðu ekki komið í lífi mínu, þá væri ég ekki staddur þar sem ég er í dag.

Ég hefði aldrei verið maður til að verða eins góður bóndi og ég er (er þó ekki að segja að ég sé góður, gæti eins orðað það að ég væri ekki eins slæmur og ég hefði annars orðið) og ekki eins þakklátur fyrir að fá að vera bóndi nema að vera búinn að prófa eitthvað annað líka.

Konan mín núverandi hefði aldrei farið og skoðað þennan einstæða föður nema ég hefði verið með fyrri konunni og skylið við hana

Því segi ég við ykkur sem finnst þið eiga erfitt í dag. Það eru miklar líkur á því að það birti upp fljótlega og allt verður betra en það varð nokkru sinni

Ekki missa vonina!!!!!

Athugasemdir

[Guðmundur H. Bragason, 11.3.2007 kl. 00:29]

Flottur pistill hjá þér og góðar pælingar. mæli með að þú reddir þér myndinni The Secret og horfir á og Hlustar á í rólegheitum. Getur séð kynningartrailer á www.thesecret.tv  Hreint út sagt stórkostleg mynd fyrir alla sem velta lífinu fyrir sér

[Guðmundur H. Bragason, 11.3.2007 kl. 00:30]

höfum tengilinn með á myndina  The Secret

[Ágúst Dalkvist, 11.3.2007 kl. 11:04]

Nú kemur að blessaðari nettengingunni út á landi, tekur marka klukkutíma að ná í myndir á netinu

Ef ég kemst suður í bráð, þá fæ ég einhvern til að ná í hana fyrir mig

[Jóhanna Fríða Dalkvist, 11.3.2007 kl. 12:57]

góður, einmitt það sem ég hugsa stundum. Ef ég hefði sleppt einhverju af því sem ég hef gert er ekki víst að Rúnar væri hér við hliðina á mér

[HP Foss, 11.3.2007 kl. 21:13]

Hvað á maður að halda lengi í vonina?
Ég er búinn að vera með sömu konuna í 16 ár og hún er ekkert að fara .
Úff, vonandi les hún þetta ekki.

[Ágúst Dalkvist, 12.3.2007 kl. 00:09]

Þú verður alltaf að halda í vonina Helgi

[Guðmundur H. Bragason, 12.3.2007 kl. 12:43]

Hafðu bara samabnd við mig og ég skal láta þig hafa þessa mynd

[Sveinn Þórarinsson (IP-tala skráð) 14.3.2007 kl. 21:32]

Þetta var flott sett fram hjá þér og haldiru á með þessu hugarfari veruru ætíð farsæll .

Kv. Sveinn