Landsbyggðaflótti!!!

Er nú ekki kominn tími til að gera eitthvað í málunum og reyna að stemma stigu við þessum mikla landsbyggðaflótta?

Var í sjónvarpsfréttum, bæði í gærkvöldi og í fyrrakvöld, að hrafninn er meira að segja fluttur suður. Hann er nú vanur að þola margt og mikið og geta gert sér flest að góðu en nú hefur hann meira að segja fengið nóg og flestir þeirra, eins og áður kom fram, fluttir suður.

En svona til að líta á björtu hliðarnar, þá get ég nú bara verið ánægður með sjálfan mig. Harðari af mér en hrafninn þar sem ég bý enn á landsbyggðinni og er ekki á leiðinni suður........ sem stendur.

Annars sé ég ekkert eftir krumma. Sem saklausum sveita dreng, bæði í æsku og nú, þykir mér óskaplega vænt um skepnurnar mínar en þegar ég var unglingur þá fann ég tvær af uppáhalds ánum mínum afvelta og krummi hafði komist í þær. Hann hafði sett gat á vömbina á annari en tekið bæði augun úr hinni en þær voru samt báðar lifandi þegar ég fann þær. Síðan hefur krummafjandinn alltaf farið í taugarnar á mér

Athugasemdir

[Cactus Buffsack (IP-tala skráð) 15.2.2007 kl. 12:19]

Cactus hefur það fyrir vana að elda sér krumma um miðja Jónsmessuna.

[Eygló Þóra Harðardóttir, 15.2.2007 kl. 17:36]

Ég hef alltaf Svalbarða í bakhöndinni, - þegar allt virðist vera orðið svart :)  Þar fær maður meira segja skattaafslátt ef maður flytur þangað!  

Auk þess eru þeir alltaf að gera e-hv sniðugt þar eins og að reyna finna stórhættulega veiru/eða var það baktería.  Örugglega engir hrafnar þar heldur.

Bkv. Eygló 

[Ágúst Dalkvist, 15.2.2007 kl. 18:36]

Svalbarði hljómar vel