Frítekjumarkið

Hér í bloggheimum er búið að heikslast mikið yfir frítekjumarki ellilífeyris- og öryrkjuþega og er ég þar með talinn enda upphæðin ekki nema 300 þús á mánuði. Síðan hef ég verið að hugsa þessi mál aðeins og komist að þeirri niðurstöðu að þessi 300 þús. er kannski bara ekki svo lítið

Held að við getum öll verið sammála um að ellilífeyrisþegar séu búnir að vinna nóg fyrir okkur hin og það sé svo undir þeim komið hvort þeim líður betur vinnandi eða ekki og okkar skuld við þá er að búa þannig í haginn að þeir geti unnið sem vilja og hinir geti slappað af.

Ellilífeyrinn þyrfti að vera mikið hærri og vildi ég sjá hann hækka mikið m.a. á kostnað tekjutryggingarinnar sem myndi leiða það af sér að bætur myndu ekki lækka eins mikið ef einstaklingurinn sem þyggur þær ákveður að vera á vinnumarkaði.

En þetta snýst ekki bara um peninga eins og mér hefur verið nokkrum sinnum bent á hér í bloggheimum og er ég sammála því. Þetta er oft á tíðum frekar samfélagslegt atriði, að eldra fólk umgangist annað fólk svo það eigi ekki á hættu að einangrast.

Hins vegar eru dæmi þess að gamalt fólk getur ekki lifað af bótunum og fer því að reyna að verða sér um aðrar tekjur. Oft er erfitt fyrir það að fá vinnu og grípur margt af því til þess að föndra eitthvað sjálft og er oftar en ekki eitt við þá iðju og hefur minni tíma til að umgangast fólk.

Held að það sé ekki leið að hækka frítekjumarkið til að drífa aldraða út á vinnumarkaðinn. Við eigum að koma því svo fyrir að þessi hópur geti haft það mjög gott þó hann starfi ekkert og svo verður hver og einn að finna það hjá sér hvort honum líður betur út á vinnumarkaðinum.

Tekjutryggingin er ætluð fyrir þá sem geta ekki unnið og fyrir þá aldraða líka sem hafa ekki áhuga á að vinna meira. Þessir peningar koma frá skattgreiðendum eins og þér og mér til að hjálpa þeim sem á því þurfa að halda og þeim sem eiga það skilið (á ég þar við aldraða sem gætu unnið en eru búnir að vinna nóg fyrir þjóðfélagið og eiga að geta slappað af ef það er þeirra val). Þeir sem hins vegar geta og velja það að vinna þurfa ekki á þessari hjálp að halda. Mér finnst það vera algengt í þessu þjóðfélagi okkar að líta á að þeir aldraðir sem velja það að vinna séu að tapa tekjutryggingunni en þá má alveg eins segja að vinnandi maður sé að tapa atvinnuleysisbótunum eða sá heilbrigði örorkubótunum.

Gerum eldra fólki kleift að lifa mannsæmandi lífi og látum það sjálft velja hvort það vera úti á vinnumarkaðinum eða ekki.

Athugasemdir

[Nanna (IP-tala skráð) 16.1.2007 kl. 13:02]

Er buid ad vera tala um thetta lengi herna og er erfitt thar sem aldurinn faerist nidur thegar folk getur haett ad vinna og folk lifir lika lengur, svo eg get skilid ad thad se erfitt ad haekka lifeyrin.  Voru ad tala um thad herna ad leyfa folki sem vill halda afram ad vinna ad gera thad til ad reyna ad spara sma kannski.  Held samt ad thetta verdi alltaf vandamal thvi midur