Bráðum koma dýru jólin

Íslensk jól(lag: Bráðum koma blessuð jólin) 

Er á kafi í skulda skafli

skemmti ég mér fyrir því

nenni engu bjána babli

bráðum kemst í jólafrí

 

Jólafrí, jólafrí,

bráðum kemst í jólafrí

 

Verð ég fyrst að versla helling

voða annars lendi í

brjáluð yrði karlsins kerling

kæmi tómhentur í frí

 

tómhentur, tómhentur

kæmi tómhentur í frí

 

Hangikjöt og hrygginn góða

hæsta jólatréð ég finn

verð að hafa betra að bjóða

bið ég því um víxilinn

 

víxilinn, víxilinn

bið ég því um víxilinn

 

Dýrar verð ég gjafir gefa

gargi frúin ei mig á

kannski myndi kvinnu sefa

kadiljáka stóran fá

 

stóran fá, stóran fá

kadiljáka stóran fá

 

Eitt samt flottu frúna hrjáði

fengi hún þó þetta allt

eina sem að elskan þráði

egils appelsín og malt

 

appelsín, appelsín

egils appelsín og malt